Tehe näin kriisitilantheessa

Kriisitilantheessa kuuluu ulkolarmi. Tietoa lähätethään kans raation, tv:n ja internetin kautta.

Ulkolarmi oon seittemän sekuntin pitkät äänisingnaalit ja niitten välissä neljäntoista sekuntin pausit.

Ko kuulet singnaalin:

  • Jää sisäle,
  • pane kiini ovet, klasit ja ilmastointi (ventilation),
  • kuuntele paikalista raatiota, lue teksti-tv:tä eli webbsivuja.

Pitkä singnaali tarkottaa ette vaara oon menny ohi

Ette saat tietää koska vaara oon menny ohi, sinun häätyy seurata koko tapahtummaa meetian kautta. Kuuntele kans kuuluuko singnaali vaara oon ohi joka oon 30-40 sekunttia pitkä singnaali.

Näin saat lissää tietoja:

  • Käy kunnan webbpaikala niin saat paikalisen pelastuslaitoksen tietoa,
  • käy lääninhallituksen webbpaikala,
  • lue Poliisin webbpaikalta. Valitte lääni niin saat paikalista tietoa,
  • lue webbpaikalta Kriisitietoa.se (Krisinformation.se), portaali josta oon länkit kaikile muile viranomhaisille joila saattaa olla tietoa kriisistä,
  • soita Poliisille numehroon 114 14 niin saat tietoa kaohneista eli loukkaintunheista omhaisista.

Taphauksessa, joka vaatii kuohleitten eli loukkaintunheitten rekistreerauksen, panhaan tavalisuuessa toihmeen erityinen telefooninumero johon kuka vain (allmänhet) saattaa soittaa ja kysyä henkilöistä ja tavaroista.

Soita 112 hätätilassa

Hätätilassa sinun pittää aina soittaa 112. Soita Poliisille numehroon 114 14 jos halvaat ilmottaa rikoksen, antaa tipsiä eli kysyä jotaki johon et saa vastausta esimerkiksi webbpaikan kautta.

Mobilephone112 emergency
114 14 non-emergency

 

The Swedish Police dial 114 14 • In emergency dial 112 • From abroad dial +46 77 114 14 00