Unnitlogugielat
Láhka mii guoská našuvnnalaš unnitloguide ja unnitlogugielaide fámuduvvui ođđajagimánu vuosttas beaivvi 2010. Ruoŧa našuvnnalaš unnitlogut leat judálaččat, romerat, sápmelaččat, ruoŧasuopmelaččat ja durtnosleagilaččat.
Unnitlogugielat leat jiddisch, romani chib, sámigiella, suomagiela ja meänkieli.
Almmolaš bealis lea eareliiggánis ovddasvástádus suodjalit ja ovddidit našuvnnalaš unnitlogugielaid ja galgá maid doarjut ja ovddidit našuvnnalaš unnitloguid máŧolašvuođaid seailluhit ja ovddidit iežaset kultuvrra Ruoŧas. Leat ieš gii mearridat jos gullot dahje it gullo našuvnnalaš unnitlohkui – áššin lea makkár joavkkuin ieš dovddat gullivašvuođa ja makkár joavkkuin ieš identifiseret iežat.
Eareliiggánis nanu rievttit leat sus geas ságastangiellan lea suomagiela, meänkieli dahje sámigiela ja orru suohkanis mii lea hálddahusguovllus. Eanet dieđu gávnnat Stockholmma Leanastivrra webbabáikkis:
Länsstyrelsen i Stockholm
Lágas lohká ahte našuvnnalaš unnitlogugielat galget suodjaluvvot ja ovddiduvvot. Ruoŧa eiseválddit galget gulaskuddat našuvnnalaš unnitloguiguin ja váldit vuhtii sin dárbbuid.Oktasaččat unnitlogujoavkkuin lea dat ahte sii leat leamas ja orrun Ruoŧas guhkes áiggi ja sii leat joavkkut geain leat duođalaš oktavuođat. Sis lea maid iežas oskkolaš, gielalaš dahje kultuvrralaš gullivašvuohta ja miella doalahit iežaset iešdovddu.