Daga almmuheami
Jos leat gierdan rihkkosa berret farggamusat Poliisii almmuhit. Dás logat got dan dagat.
Hoahppoáššiin
Jos rihkus lea jođus, riŋges 112.
Eai hoahppoáššit
Riŋges tel-nummara 114 14 dahje mannal lagamus poliisastašuvnnas.
Olgoriikkas riŋget 0046 77 114 14 00
Almmut farggamusat
Daga almmuheami farggamusat maŋŋil rihkkosa. Dat lea eareliiggánit dehálaš roavvásit rihkkosis go Poliisa maid galgá dahkat iskkadeami báikkis.
Dáid dieđuid galggat leat válmmas guođđit go almmuhat rihkkosa:
- almmuheaddji person-nummar,
- su person-nummar gii lea gierdan rihkkosa (áššeeaiggát),
- áššeeaiggáda dáhkádussearvi,
- válbmennummar, rámmanummar, IMEI-nummar dahje sullasaš nummara gálvvus mii lea duššan dahje suoláduvvon,
- nu buoragit got sáhtát dieđihat rihkkosa áiggi ja báikki.
Mannal poliisastašuvnnas jos lea roaves rihkus
Jos leat vasttit cápmáhallon, lágeheamit uhkiduvvon dahje iežá roaves rihkkosa gierdan berret ieš boahtit poliisastašuvdnii. Go sáhttá duođaštit vahágiid de Poliisa buorebut gávdná sivalačča.
Dehálaš almmuhit
Poliisa háleda visot rihkkosat almmuhuvvojit. Leat máŋggat sivat dasa ahte don priváhtta olmmožin galggat almmuhit jos leat gierdan rihkkosa:
- Dat lea eaktun jos rihkkun galgá čovdojuvvot.
- Dávjá dáhkádussearvvit dan gáibidit jos sis galggat oažžut buhtadusa.
- Lea dutnje álkit oažžut ruovttoluotta suoláduvvon dávviriid maid Poliisa gávdná.
- Lea dehálaš vai rihkuslohku galgá leat vuoiggalaš. Dat lea veahkkin Poliisii fuobmát manuid servodagas ja dieđihit rihkkosiid birra ja maiddai duostut rihkkosiid.
Muital Poliisii
Poliisa dárbbaša álbmogis veahki vai buorebut sáhttá duostut rihkkosiid, vuosttildit rihkkosiid ja háhkat dorvvolaš servodaga. Sáhtát Poliisii dieđihit máŋggain vugiin. It dárbbaš namat muitalit.
Sáhtát dieđihit jándora birra 114 14 nummarii. Olgoriikkas riŋget 0046 77 114 14 00.