Leat ožžon vaššireivviid
Dás logat got almmuhat Poliisii vašširihkkosa ja makkár doarjaga sáhtát oažžut jos leat gierdan vašširihkkosa.
Vašširihkus lea rihkus mii lea čadnon sivalačča vuostemillii muhtin joavkkuide servodagas.
Joavkkut main lea suodji vašširihkuslágas leat dat mat leat vuođđuduvvon:
- liikenállái,
- riikkalaš ja eatnálaš gullevašvuhtii,
- religiuvdnii dahje jáhkkui,
- seksuálalaš hipmui, sáhttá leat hetero-, humo-, dahje biseksuálalaš.
Sáhtát gierdat vašširihkkosa vaikko it gullo dáidda joavkkuide. Lea doarvái jos sivalaš doaivu don leat humo-seksuálalaš dahje leat iežá riikkas eret ja dan vuođul lea dutnje vuostemiella.
Vašširihkkosa almmuheamis
Jos ieš leat gierdan dahje vigut vašširihkkosa de berret Poliissa goaktadit ja muitalit dan. Vašširihkkosa almmuhat seamma láhkái go iežá rihkkosiid.
Lea dehálaš don muitalit manin jáhkát don leat gierdan rihkkosa dallego Poliisii almmuhat. Ovdamearkka dihte jos leat cápmáhallon ja sivalaš seammás gutnehuhtii du liikenáli dahje du riikagullevašvuođa dihte.
Poliisa dárbbaša visot dieđuid vai sáhttá guorahallat ášši buoremusat ja vai oaččut veahki maid ánssášat.
Doarjja ja veahkki
Visot vašširihkusguorahallamiid galgá alaguoddi jođihit.
Máŋggain áššiin dus lea riekti áššeeaiggátveahkkái. Dan siđat poliissas gii ášši guorahallá. Son ovddida gáibádusa alaguoddái. Das maŋŋil duopmostuollu mearrida jos lea dárbu áššeeaiggátveahkkái.
Poliisa sáhttá du veahkihit oažžut oktavuođa doaimmahagain mat veahkehit rihkusgirdiid. Muhtin báikkiin leat sierra rihkusgierdišurat sidjiide geat leat gierdan vašširihkkosa.