Leat gierdan seksuálalaš rihkkosa

Jos leat veahkaválddálaččat geavahuvvon dahje gierdan iežá seksuálalaš rihkkosiid de galggat farggamusat goaktadit Poliissa. Bázahusat mat sáhttet leat dehálaš duođaštusat gearregis sáhttet gávdnot máŋga jándora maŋŋil dáhpáhusa, muhtimin ain guhkibut.

Ii leat bággu almmuhit rihkkosa, muhto poliisaalmmuheami bakte oaččut máŧolašvuođa duođašteapmái go vigálaš sáhttá dubmehallot. Almmuheapmi sáhttá sivalačča hehttet iežáid vuostá rihkkut. Poliisaalmmuheapmi lea dárbbašlaš jos galggat sáhttit oažžut buhtadusa Rihkusgierdi-eiseválddis dallego ii sáhte vigálačča sivahit rihkkosa ovddas.

Sáhtát álu Poliissa goaktadit tel-nummaris 114 14, maiddai jos it hálet almmuhit. Poliissas mielainis vástidit du jearaldagaide ja addet ráđiid dahje veahkehit du goaktadit doarjjaorganisašuvnnaid. Heađis álu riŋgestat 112.

Doarjja ja veahkki

Iešheanalis organisašuvnnat main leat šurat rihkusgirdiide leat máŋggain báikkiin riikkas. Gávnnat daid Rihkusgierdišura dahje Nissonsuodjeláiggi bakte. Nissonsuodjeláigi lea riikkalaš doarjjatelefovdna gosa juohkeokta sáhttá nuvttá riŋget ja oažžut ráđiid, doarjaga ja veahki. Láiggis lea vástideaddji jándora birra. Leat oahppan olbmot geain lea hárjáneapmi ságastit singuin geat leat heahte- dahje váigadis eallindilis. Sáhtát leat anonyma. Du telefovdnarehkegis ii oainne don leat riŋgen dohko.

Jeara telefovnna dahje e.boastta bakte

Rihkusgierdišuraid Riikalihtus lea maid riikkalaš telefovdnaguovddáš gosa sáhtát riŋget ja oažžut doarjaga ja veahki.

Juridiikkalaš áirras

Rihkusgierdin dus lea dábálaččat riekti juridiikkalaš ovddasolbmui, áššeeaiggátveahkki, juridiikkalaš ja persovnnalaš doarjjan. Jos leat almmuhan rihkkosa ja rihkusguorahallan álggahuvvo de lea alaguoddi gii ohcá áššeeaiggátveahki dutnje.

Mer om sexualbrott på svenska.

Till toppen