Joutunu seksuaalirikoksen kohtheeksi

Jos sinua oon pietty väkisin eli olet joutunu muun seksuaalisen vääryyen kohtheeksi, sinun pittää paikala kontaktata Poliisi. Jäljet saattavat olla tärkeitä viisiä oikeuen-käynissä ja säilyä useaman vuorokauen tapahtunheen jälkhiin, ja pitemphäänki.

Sulla ei ole pakko ilmottaa rikosta, mutta tekemällä poliisi-ilmotuksen sulla oon maholista saa hyvitystä sillä mallin ette eppäilty saatethaan haastaa oikeutheen. Ilmotus saattaa kans estää rikoksentekiää tekemästä rikoksia muita kohthaan. Poliisi-ilmotus häätyy kans olla tehty ennenkö saatat saa korvausta Rikosuhriviranomhaiselta taphauksissa joissa rikoksentekiää ei saata sitoa rikoksheen.

Sie saatat aina ottaa yhtheyen Poliisin kans soittamalla telefooninumehroon 114 14, vaikka et halvaiskhaan tehhä poliisi-ilmotusta. Poliisi vastaa mielelhään sinun kysymykshiin ja saattaa antaa sulle neuoja eli auttaa sinua saahmaan yhtheyen jonku tukijärjestön kans. Akyytti asioissa, soita aina 112

Tukea ja apua

Aathelisia järjestöjä joila oon päivystyksiä (jour) rikoksen kohtheeksi joutunheile oon usseimilla paikkakunnila maassa. Sie löyät net Rikosuhripäivystyksen eli Vaimonpuolitten rauhalinjan kautta. Vaimonpuolitten rauhalinja oon kansalinen tukitelefooni johon kaikki saattavat soitta ilmaseksi ja saa neuoja, tukea ja apua. Linjala koulutettu pärsunaali, joka oon tottunu kohtaahmaan ihmisiä jokka oon kriisitilantheessa eli vaikeassa elämäntilassa, vastaa ympäri vuorokauen. Sie saat olla anonyymi. Se ei näy sinun telefooniräkinkistä ette olet soittanu sinne.

Kysy telefoonin eli e-postin kautta

Rikosuhripäivystyksen Valtakunnalisella liitola oon kans kansalinen telefoonikeskus johon saatat soittaa ja saa apua ja tukea.

Jyriidinen asiamies (ombud)

Rikoksen kohtheeksi joutunheena sulla oon monessa taphauksessa oikeus saa jyriidisen asiamiehen, niin sanotun asianomistaja-avustajan, jyriidiseksi ja henkilökohtaseksi tueksi. Jos sie olet ilmottannu rikoksen ja rikosselvitys alotethaan, se oon syyttäjä joka tekkee hakemuksen asianomistaja-avustajasta sulle. 

Mer på svenska om sexualbrott

Till toppen