Jos leat gierdan rihkkosa iežat lahka olbmoš
Dás logat got almmuhat jos lahka olbmui cápmáhalat dahje iežá láhkái veahkaválddáhalat.
Jos šattat gierdat rihkkosa nugo givssideami, uhkideami ja sierranas veahkaváldimiid de galggat álu riŋget Poliisii tel-nummarii114 14. Heađis riŋget 112. Sáhtát maid mannalit lagamus poliisastašuvnnas ja čállit dahje čálihit almmuheami.
Dehálaš almmuhit rihkkosiid
It leat geatnegahtton almmuhit rihkkosa, muhto almmuheapmi lea dárbbašlaš jos galggat buhtadusa oažžut dáhkádussearvvis dahje Rihkusgierdieiseválddis.
Dehálaš duođaštusat
Jos leat lápmahuvvan berret duođaštit vahágiiddát, buoremus jos doavttir govve. Poliisa sáhttá eanet dieđihit. Jos telefovnna, e.boastta dahje sms:a bokte oaččut uhkádusaid de seastte daid. Dat sáhttet leat dehálaš duođaštusat.
Mánát geat dovdet veahkaváldima ruovttus
Jos lea mánná gii lea oaidnán veahkaváldima ruovttus de sus lea riekti rihkusvahátbuhtadussii. Lea dehálaš poliissat dokumenterejit ahte mánát leat leamas olis ja maid sii leat vásihan. Oza buhtadusa Rihkusgierdieiseválddis.
Nissonšurat
Nissonšurat leat miehtá riikka. Doppe sáhtát gávdnat dorvvu ja veahki plánet got dás duohko meannudit áššiidat.
RFSLa rihkusgierdišura
Riikalihtus seksualálaš seammádohkálašvuođa dihte lea rihkusgierdišura HBT-olbmuide. Dainna sáhtát ovdamearkka váldit oktavuođa jos leat gierdan rihkkosa lahka olbmos gii lea seamma sohkabealis go don.
Rihkusgierdišurat
Máŋggain suohkaniin lea rihkusgierdišura man sáhttá goaktadit jos lea gierdan rihkkosa. Rihkusgierdišuraid Riikalihtus lea maid riikkalaš telefovdnaguovddáš gosa sáhttá riŋget veahki ja doarjaga dihte.
Juridiikkalaš áirras
Rihkusgierdin dus lea dábálaččat riekti juridiikkalaš ovddasolbmui, áššeeaiggátveahkki, juridiikkalaš doarjjan. Alaguoddi gii jođiha rihkusguorahallama ohcá dan veahki diggerievttis mii mearrida jos oaččut áššeeaiggátveahki.