Näin Poliisi tekkee työtä ussein tehtyjä rikoksia (mängd-) vasthaan
Ussein tehtyjä rikoksia tehhään ussein ja koskevat monia ihmisiä, esim. biili- ja pyörävarkhauet, biilistä ja kaupasta varastamiset, murrot, vahingonteot, huijaukset, pahoinpitelyt ja rattijuoppouet. Lue tästä mitenkä Poliisi tekkee työtä niitä vasthaan.
Sille ette Poliisi onnistuu selvittämhään ussein tehtyt rikokset oon totistajitten tiot ja viisitten varmistaminen tärkeää, esimerkiksi kuvia valvontakaameroista, sormenjäljet ja dna. Se oon kans tärkeää ette kuuustelut asianomistajitten ja totistajitten kans tehhään niin varhain ko maholista ennenkö muistikuvat katoavat.
Pahoinpitely jota ei nähhä törkeännä (grov) oon esimerkki ussein tehtyistä rikoksista. Poliisi tekkee eri mallila töitä sen etheen ette etukätheen estää väkivaltarikoksia, muumuassa niin ette tehhä alkkohoolin saamisen vaikeamaksi alaikäsille ja tehhä yhtheistyötä restaurangitten, oorninkivahitten ja kunnan sosiaalikontturin kans. Se työ anpassathaan paikalisitten olosuhtheitten ja eelytyksitten mukhaan.
Toinen esimerkki ussein tehtyistä rikoksista oon plakkarivarkhauet. Plakkarivarkhaita oon ussein semmosissa paikoissa jossa oon paljon väkeä, esimerkiksi restaurangissa ja kolektiivitrafiikissa. Poliisi tähtää työn ussein paikhoin joissa tiethään oon tapahtunnu paljon varastamisia plakkarista, esimerkiksi spaanaamalla.