Astardo, krisdino vaj phandado

Zakonori pa manushesko phandajimos aj pa materialo kaj len po kriminalno rodijimos.

Jekh kriminalno rodijimos, vaj sar bušol o pervo rodijomos, te lel pe kana si profundo te gindis ke kerdila bajo, kaj zal po puterdo krisdino. Tele jekh pervo rodijimos rodes te dikhel o manuš te kerda o bajo aj te si thosa profundo te vazden divano kaj kris karing leste vaj lake.

Sajke kerde o bajo

Sajke kerde o bajo si maj kovlo grado po bajo. Godo si ke si konkretno zeli kruglom ke sajke kerda o manuš o bajo kana keren i dikhimos aj o rodejimos. 

Si dosta gor te kerde o bajo

Si dosta gor te kerde o bajo si jekh maj vuzo grado po bajo. O bajo karing jekh manuš si jekh objektivno dikhimos, aj profundo si ando beviso po godo bajo.

Dosta gor te vaztes kris

Khate dikhen te si objektivno profundo te si dosta gor te vazten kris ande jekh kris. Fiškali alol te si dosta profundo te kerdol jekh manuš krisdino.

Astardo

Te avela gor te kerdol varikon krisdino šaj avel ke phenen le rajbare ando sigo te phandaven les. O astardo zeno trubon te keren pušimata aj pala godo trubol o fiškali te phenel te trubola o zeno krisdino. Te avelo o zeno či site avela krisdino mušaj ando sigo te hulel tele o bajo po zeno. Le zakonori sar te astaren jekhes si ando 24 kapitelo, 7 aj 8 §, ando krisako balko. 

Krisdino

Jekh manuš šaj kerdol krisdino jipon e kris zumaven o pušimos te šaj kerdol phandado. Jekh manuš saj kerdol phandado te si defjal vazno ando rodejimos. Kon purončil kon kerdol phandado si o fiškali. Angla o caso 12 po trito dzes pala o divano saj kerdol krisdino mušaj o fiskali te thol opre divano te phandaven le manuš kaj kris. Le zakonori sar te astaren jekhes si ando 24 kapitelo, 6, 11, aj 13 §, ando krisako balko. 

Phandado

Jekh manuš kaj si krisdino saj phandaven les te si jekh chansa ke voj vaj vo ke či len pe pala le foroske zakonori pe jekh kriminalno rodejimos, eksemplo ke našentar avri anda o them, keren le rajbarenge phares te keren peski buci vaj inke keren bajori. Dosta si jekhe manušeske te avel krisdino te kerdila jekh bajo te saj lel temnitsa jekh berš vaj maj but.

Te purončis po phandajimos trubol o bajo te avel o maj xanci pe temnitsa pe duj berš pe e skala po strafo, numa maladol pe kaver fjalo vi. Te purončis po phandajimos alol e kris, pala godo vazdel o fiškali kris ande jekh vramja po 14 dzesa, numa e vramja pe uni bajo saj lungaren pala e kris. Le zakonori sar te phandaven jekhes si ando 24 kapitelo, 1-5 aj 18 §, ando krisako balko.

Te aves phandadi

Te aves astardo, krisdino vaj phandado si ke jekh manuš bešel phandado aj ferdi uni manuš birin te dikhen le manušes, numa na o advokato. Te si jekh chansa ke o manuš kerel phares le rajbarenge lengi buci biril e kris te len tele antrego kontakto, sar eksemplo vo vaj voj naj lenge slobodo te ginen cajtungo, te asunen radio vaj te dikhen tv. Le zakonori sar te phandaven jekhes si ando 24 kapitelo, 5 §, ando krisako balko.

Astarde aj krisdine manušen thon narmalne ande rajbarenge sobi kaj si ande kaj le rajbarengo kher. Phandade manuš thon ande phandadi, e obligatcija si kaj le rajbare ando Kriminalvården. Te avela kaj godo kaj si phandado si kaj godo slobodia te dikhel kavren kaj si phandade. 

Biril kaver manuš te astaren varikas kaj naj rajbaro?

Manus ando khetanimos birin te astaren jekhes xores, godo bušol envarsgripande, te si jekh bajo kaj kerel te lel o manuš starfo sar temnitsa, te astarena le manušes kana kerel o bajo direkto vaj našeltar khatar o than. Kaver manuš birin vi te astaren jekhe manušes te si rodeno pe jekh bajo. Godoles kaj astares trubos sar maj sigo te phenes le rajbarenge. Le zakonori sar te keres envarsgripande pe jekheste si ando 24 kapitelo, 7 §, ando krisako balko.

Te les materialo khatar jekh than kaj kerdila bajo

Rajbare vaj fiškali keren e kriminalno rodejimos, von vi bušon le anglune šerotne kaj roden. Von si kaj purončin so site keren. Von sar eksemplo birin te len materialo kaj si pe hazna po rodejimos. Le zakonori sar te len materialo si ando 27 kapitelo, 1 §, ando krisako balko.

Te si jekh bajo kaj kerdol temnitsa si slobodo te roden ando kher kaj o krisdino te roden materialo. Le zakonori te roden ando kher si ando 28 kaitelo, 1§, ando krisako balko.

Materialo kaj leni le rajbare trubon te ingeren palpale vaj kaj jekh kaver manuš kaj si len cacimos kaj o materialo, sar eksemplo o čačo manuš kaj si lesko materialo.

Materialo birin le rajbare te romon, godo si te romon o materialo vaj te pherel kaj o foro. Godo si sar eksemplo te avela kriminalno materialo vaj te sas po azutimos vaj puški kaj jekh bajo. Le zakonori te romon si ando 36 kapitelo ando krisako balko.