You have not enabled JavaScript. We recommend you to enable JavaScript, in order to get a better experience of the website.

Poliissa bargu johtolatrihkkosiid vuostá

Dás logat got Poliisa bargá johtolatrihkkosiid vuostá, ovdamearkka dihte badjelmearálaš vuodjin, mirkkuidgeavaheapmi ja gárrenvuodjin.

Dieđu fievrruid, fievroimportta, johtolatnjuolggadusaid, vearuid ja mávssuid birra gávnnat Fievrridanstivrras (Transportstyrelsen). Diehtu mii guoská vuodjingoarttaide biilii, mohtorsykkelii, tráktorii, skohterii ja EO-mopedii gávnnat Transportstyrelsen webba-báikkis.

Johtolatsihkkarvuođakamerat

Raŧiin  gos leat johtolatsihkkarvuođakamerat leat lihkohisvuođat duođain njiedjan.

Badjelmearálašvuodjimat mat govvejuvvojit kamerain gieđahallojit Riika-poliisastivrra Girona ATK-ossodagas. Doppe sáhttet jáddadit dahje cahkkehit kameraid. Jos kamerat leat doaimmas dahje eai lea čadnon dan áigeguovdilis mátkki johtolahkii dahje lihkohisvuođaide.

Go fievru lahkana de kamera mihtida fártta rádáriin. Kamerat govvejit dušše daid fievrruid main lea badjelmearálaš fárta. Govva iskojuvvo olbmovehkiin. Sadji vuoddji guoras čihkkojuvvo beroškeahttá jos lea guorus dahje ii.

Guorahallamis isket fievrru ja máŧolaš vuoddji sierranas registeriin. Govva vuoddjis árvvoštallo pássa- dahje vuodjingoartagovain. Jos govva vuoddjis lea seammago govva pássas dahje vuodjingoarttas de sáddejuvvo áššebábir govain ja mihtidandieđuiguin dan olbmui. Jos vuoddji ii sáhte identifieret de sáddejuvvo jearaldat gii lea leamaš vuoddjin fievrru eaiggádii.

Fievro- ja jávregárrenvuojus

Rádji fievrogárrenvuodjimis lea 0,10 milligrámma  alkohola juohke littaris vuoigŋanáimmus, mii lea sullii seammago 0,2 promilla varas. Gárrenvuodjimis leat sáhkut dahje fáŋge guhkimusat guhtta mánu.

Rádji roaves gárrenvuodjimis lea 0,50 milligrámma alkohola  juohke littaris vuoigŋanáimmus, mii lea sullii seammago 1,0 promilla varas. Vuoddji sáhttá šaddat fáŋgii guhkimusat guokte jagi. Maiddai vuoddji gii lea leamaš bahuid gárremis dahje iežá mirkkuid dihte leamaš stuora várran johtolatsihkkarvuhtii sáhttá dubmejuvvot roaves gárrenvuodjimii.

Vuolit promillarádji jávregárrenvuodjimis lea 0,2. Promillarádji roaves jávregárrenvuodjimis lea  1,0. Jávregárrenvudjosis sáhttá sáhkohallat dahje šaddat fáŋgii guhkimusat guhtta mánu. Roaves jávregárrenvudjosis sáhttá vuoddji dubmejuvvot fáŋgii guhkimusat guokte jagi. Poliissas, Riddogohcciin ja tuollus lea riekti iskat vuoigŋanáimmu jávrris dahje mearas.

Vuodjingoartta massinrádji lea 0,15 milligrámma alkohola juohke littaris vuoigŋanáimmus.

Läs mer om polisens arbete med trafikbrott på svenska.

Till toppen